Ti knăm anei, dua tĭng bi tŭ ư brei mđĭ hĭn hdră bi hgŭm jăk siam hŏng Campuchia, hlăm anôk bruă Đảng, bruă kƀĭn ala, Knŭk kna lehanăn mjĕ mjuk mnuih ƀuôn sang, boh nik mtrŭt mđĭ klei bi tuôm plah wah phung khua dua Đảng, Klei bi kƀĭn tal 13 mơ̆ng Dhar bruă bi hgŭm Việt Nam-Campuchia kơ hdră bi hgŭm bruă duh mkra, mnia mblei, duh bi liê, dhar kreh, krah knhâo lehanăn kdrăp mrâo, klei bi kƀĭn dŭm čar krĭng knông lăn.

Dua tĭng lŏ dơ̆ng krơ̆ng kjăp hdră bi hgŭm mâo boh tŭ dưn plah wah Phŭn bruă lĭng kahan, Phŭn bruă kahan ksiêm, Phŭn bruă hŏng tač êngao Việt Nam hŏng Phŭn bruă lĭng kahan, Phŭn bruă ksiêm dlăng ala čar, Phŭn bruă hŏng tač êngao lehanăn bi hgŭm Campuchia; mtrŭt mđĭ hdră bi hgŭm krĭng knông lăn mơ̆ng dua ala čar jing krĭng wăl êđăp ênang, dĭ kyar. Khua Thượng viện Campuchia čang hmăng dua tĭng mđĭ hdră bi hgŭm bi kdơ̆ng hŏng klei čhĭ matuĭ. Dua khua kiă kriê sa ai hŏng bruă dua ala čar bi hgŭm kjăp, đru kơ Lào păn ngă tŭ dưn Khua kiă kriê ASEAN, Khua AIPA 2024 lehanăn mđĭ hĭn klei bi mguôp dŭm ala čar ASEAN.