Blŭ hrăm ti knăm anei, Khua Anôk bruă kƀĭn ala bi mni Anôk bruă ksiêm tĭng knŭk kna hluê leh leh jăk bruă klam mâo kčah jao djŏ si klei bhiăn. Ksiêm dlăng, ngă jăk bruă mơ̆ng Anôk bruă kƀĭn ala, boh nik hdră ksiêm dlăng dŭm bruă gưl dlông mơ̆ng Anôk bruă kƀĭn ala.

Thŭn 2024, bruă klam kơ dŭm gưl dhar bruă krŏ êdi, kyua anăn, Khua Anôk bruă kƀĭn ala mtă kơ Anôk bruă knuă druh Đảng lehanăn êpul êya anôk bruă ksiêm tĭng lŏ dơ̆ng ngă jăk bruă, bi lông ktưn mđing truh knăm bi hdơr 30 thŭn hruê mkŏ mjing Anôk bruă mbĭt anăn brei anôk bruă ksiêm tĭng hluê ngă kjăp hdră ngă bruă mơ̆ng Anôk bruă kƀĭn ala, Anôk gĭt gai anôk bruă kƀĭn ala čiăng đru kơ Anôk bruă kƀĭn ala hlăm bruă čih mkra klei bhiăn, ksiêm dlăng gưl dlông lehanăn bi mklă bruă yuôm bhăn mơ̆ng ala čar. Boh nik, hlăm bruă čih mkra hdră bhiăn, kñăm pral hmao ƀuh dŭm klei êdu kƀah, mđĭ mđăl hlăm klei hluê ngă bruă klam./.