Bi trông ti knăm anei, phung mă bruă duh mkra brei thâo, mâo leh lu klei đru mguôp kơ hdră duh mkra – ala ƀuôn lao hlăm lu mta bruă mbĭt anăn mjing bruă mă kơ dŭm êbâo čô mnuih, mjing hnư hrui wĭt, mkra mđĭ klei hdĭp, thiăm mbŏ ngăn prăk kơ knŭk kna Lao.

Blŭ ti knăm anei, Khua anôk bruă kƀĭn ala lač jăk kơ Anôk bruă kƀĭn ala lehanăn Knŭk kna Lao mđing kriê dlăng, ruh mtlaih klei dleh dlan kơ dŭm anôk bruă duh mkra Việt Nam mbĭt anăn bi mni kơ ai tiê gĭr ktưn kpưn đĭ mơ̆ng dŭm anôk bruă duh mkra Việt Nam, dlăng anei jing mta phŭn bi mklă. Ti anăp klei dleh dlan ară anei, Khua anôk bruă kƀĭn ala Vương Đình Huệ čang hmăng anôk bruă duh mkra Việt Nam ti Lao gĭr hĭn kyua Đảng, Anôk bruă kƀĭn ala lehanăn Knŭk kna dua ala čar dôk gĭr mjing wăl duh bi liê ƀrư̆ hruê ƀrư̆ jăk hĭn./.