Khua bruă kƀĭn ala Vương Đình Huệ bi mni kơ gưl hiu čhưn, mă bruă ti Việt Nam mơ̆ng Park Hark Kyu lehanăn bi êdah klei m’ak dưi lŏ bi tuôm leh gưl hiu čhưn kơ Dhŭng Korea mơ̆ng Êpul bi ala gưl dlông Anôk bruă kƀĭn ala Việt Nam mlan 2/2021.

Khua bruă kƀĭn ala Vương Đình Huệ mñă, Anôk bruă kƀĭn ala Việt Nam đru, mprăp mjing klei jăk găl kơ hdră duh bi liê, mkra, mnia mblei mơ̆ng êpul êya anôk bruă duh mkra hlăm lehanăn êngao ala čar, hlăm anăn mâo dŭm anôk bruă duh mkra Dhŭng Korea lehanăn Êpul group Samsung; srăng hrăm mbĭt lehanăn mjing klei găl čiăng kơ Êpul group pŏk hdră duh bi liê, mnia mblei tŭ dưn, h’ĭt kjăp ti Việt Nam. Khua knơ̆ng bruă ngăn prăk Êpul group Samsung Electronics Park Hark Kyu čang hmăng Việt Nam srăng lŏ mkra mđĭ wăl anôk mnia mblei hlăm wưng ti anăp. Ƀri gưl anei, Park Hark Kyu bi trông leh hŏng Khua anôk bruă kƀĭn ala Vương Đình Huệ kơ dŭm bruă dôk mđing mơ̆ng Êpul group./.