Khua Anôk bruă kƀĭn ala Vương Đình Huệ nao čuă čhưn dŭm êpul djŏ tuôm ti ƀăng jang knông lăn prŏng Mộc Bài, Tây Ninh
Thứ năm, 14:45, 04/01/2024
VOV Tây Nguyên
VOV Tây Nguyên
VOV4.Êđê - Lŏ dŏng hdră mă bruă ti dŭm čar Dhŭng kưar Krah, tlam 3/1 mbruê, Khua bruă kƀĭn ala Vương Đình Huệ mbĭt hŏng êpul ngă bruă bi tuôm hŏng dŭm êpul djŏ tuôm dôk mă bruă ti ƀăng jang knông lăn prŏng Mộc Bài; nao hlăm hdră bi hgŭm lĭng kahan – mnuih ƀuôn sang kkuh m’ak bi hdơr 65 thŭn Hruê knhuah lĭng kahan răng mgang knông lăn (3/3/1959 -3/3/2024); mđup brei mnơ̆ng kơ 100 gŏ sang ƀun, gŏ sang dleh dlan krĭng knông lăn mŏng kdriêk Bến Cầu, Tây Ninh.
Ti anôk bi tuôm hŏng êpul djŏ tuôm, Khua bruă kƀĭn ala Vương Đình Huệ čang hmăng Anôk kriê dlăng, êpul djŏ tuôm kriê dlăng jăk krĭng ƀăng jang knông lăn Mộc Bài; hrăm mbĭt hŏng Anôk bruă kriê dlăng êlan knông lăn rŏng klei êđăp ênang, h’ĭt kjăp, hgŭm bruă jiă klei khăp plah wah Việt Nam hŏng Campuchia, tlâo ala čar Việt Nam - Lào- Campuchia.
Mprăp drông Têt Djuê ana dôk truh giăm, Khua bruă kƀĭn ala čang hmăng alŭ wăl hluê ngă kjăp djŏ si klei gĭt gai mơ̆ng Asăp mtrŭn Anôk kriê dlăng bruă Đảng mđing kriê dlăng Têt kơ mnuih ƀuôn sang hluê ai tiê “Jih jang dưi drông Têt s’aĭ”./.
Viết bình luận