Khua Anôk bruă kƀĭn ala Vương Đình Huệ nao ti knăm anei, jao leh 79 klei pah mni mâo Êpul mkŏ mjing ruah čiăng brei klei pah mni Diên Hồng tal 2, mâo 7 klei pah mni mta A, 14 mta B, 20 mta C lehanăn 38 klei pah mni mđĭ ai. Dŭm mta klei pah mni anei dưi bi êdah klă ai êwa hdĭp, ai êwa klei bi kƀĭn, mđing kơ bruă phŭn, mblang klă hdră mă bruă mŏng Anôk bruă kƀĭn ala, Êpul hgŭm bruă ƀuôn sang dŭm gưl.

Klei pah mni Diên Hồng tal 2, Sang mđung asăp blŭ Việt Nam mâo 5 klei pah mni: 1 mta A kơ ểpul : Tuyết Mai, Lê Tuyết, Vân Hồng, Uông Huyền, Hà Thảo, Anôk bruă klei mrâo VOV1 hŏng dŭm klei čih “Mđĭ klei mbha gưl, jao klei đăo knang”, 2 klei pah mni mta B kơ êpul čih: Ngọc Thành, Hà Phương, Hră klei mrâo Điện tử VOV News hŏng dŭm klei čih “Mđing kơ bruă čih mkra hdră bhiăn lehanăn dŭm boh kdrŭt ti anôk bi kƀĭn” lehanăn êpul Sang mđung rup kdrăp mrô VTC hŏng klei čih “Ai ktang mŏng ênuk đưm êlâo”, 2 klei pah mni mđĭ ai kơ Êpul phung čih mơ̆ng Sang mđung asăp jưh dôk ti kwar Krah lehanăn Yŭ Dưr./.