VOV4.Êđê- Hlăm jar gưl nao čhưn leh anăn mă bruă ti Lao mơ̆ng hruê 30/5 -1/6, tlam 30/5, Khua hlăm Phŭn bruă kđi čar, Khua hlăm bruă Đảng gưl dlông, Khua Anôk bruă mkŏ mjing Đảng gưl dlông Trương Thị Mai ngă khua Êpul bi ala Anôk bruă Đảng gưl dlông nao čhưn leh anăn mă bryă ti Anôk bruă bi ala Việt Nam ti Lao. Hlăm klei bi tuôm, Trương Thị Mai bi mklă, khua gĭt gai dua ala čar Việt Nam leh anăn Lao mđing nanao, ksŭl mbŭ klei bi hgŭm yuôm bhăn Việt Nam hŏng Lao.

Bi ala kơ knuă druh, phung mă bruă hlăm Anôk bruă bi ala leh anăn bi ala kơ dŭm anôk bruă Việt Nam êngao kơ Anôk bruă bi ala, Khua bi ala Nguyễn Bá Hùng bi mklă srăng hlue ngă jăk bruă klam mâo khua gĭt gai Đảng, Knŭk kna jao, hŏng êpul knuă druh, phung mă bruă Khua bi ala leh anăn dŭm anôk bruă êngao kơ Anôk bruă bi ala ngă jăk bruă hŏng tač êngao, mđĭ klei bi hgŭm Việt Nam hŏng Lao ƀrư̆ hruê ƀrư̆ đĭ kyar, klă sĭt, kyua klei tŭ dưn mơ̆ng mnuih ƀuôn sang dua ala čar Việt Nam hŏng Lao./.

                                               Pô mblang: H’Zawut Ƀuôn Yă