VOV4.Êđê -  Lŏ dơ̆ng Klei bi kƀĭn kluôm kơ bruă ksiêm hriăm, ksiêk kjăp Hdră mtrŭn Klei bi kƀĭn tal 5 Anôk kriê dlăng bruă Đảng gưl dlông tal 13, aguah 22/7, Klei bi kƀĭn hmư̆ leh Khua hlăm Phŭn bruă kđi čar, Khua anôk bruă mkŏ mjing gưl dlông Trương Thị Mai mblang hdră mtrŭn 21 kơ bruă mđĭ, bi kjăp hdră mkŏ mjing anôk bruă nah gŭ wưng mrâo lehanăn mđĭ hnơ̆ng thâo êpul đảng viên wưng mrâo. Kơ bruă klam, hdră msir wưng ti anăp, hŏng bruă bi kjăp, mđĭ klei thâo kiă kriê mơ̆ng êpul bruă Đảng, bruă tal êlâo jing mlih mrâo, bi leh hdră mkŏ mkra đảng. Kơ bruă pŏk ngă Hdră mtrŭn 21, Trương Thị Mai mñă bruă ksiêm hriăm, hluê ngă hdră mtrŭn brei djŏ hŏng klei găl mơ̆ng anôk bruă, alŭ wăl, mguôp hŏng bruă hluê ngă Klei klah čŭn 21 kơ bruă mkŏ mkra, ƀư̆ mkra Đảng./.

H’Nêč pô mblang