Ti knăm anei, mnuih ƀuôn sang čang hmăng Đảng, Anôk bruă kƀĭn ala lehanăn Knŭk kna srăng mâo hdră mtrŭn djŏ guôp kñăm mtrŭt mđĭ kyar bruă duh mkra đĭ kyar. Hlăm anăn, mđing kơ klei bhiăn, hdră mtrŭn jăk găl kơ bruă mă, sang dôk hlăm yang ƀuôn, dŭm klei bhiăn dhar kreh, mjuăt ktang asei mlei, mjuăt bi hriăm bruă, đru kơ mnuih mă bruă luič bruă mă, mdei êjai klei kuôl kă mă bruă…

Mnuih ƀuôn sang ăt akâo brei mâo dŭm klei bhiăn, hdră msir djŏ guôp hŏng klei êmưt tĭng tla, dêč amâo čiăng tĭng tla ênua luič bruă mă, ênua yang ƀuôn kơ mnuih mă bruă, mđĭ ênoh đru kơ mnuih luič bruă mă hlăm grăp mlan, hdră đru hŏng mnuih mă bruă ti dŭm anôk bruă mdrao mgŭn knŭk kna. Blŭ ti knăm anei, Khua Anôk bruă ngă hră mơar gưl dlông Phan Đình Trạc lač, dŭm klei blŭ, klei akâo mơ̆ng mnuih ƀuôn sang jing năng lehanăn djŏ klă. Êpul bi ala Anôk bruă kƀĭn ala čar Lâm Đồng srăng čih pioh, bi mklin lehanăn hưn mthâo kơ Gưl dlông./.