Ti knăm anei, Khua Anôk bruă sang čư̆ êa ƀuôn prŏng Hồ Chí Minh Phan Văn Mãi bi êdah klei čang hmăng Khua mil čhil Alemang lŏ mtrŭt mđĭ anôk bruă duh mkra Alemang pŏk mlar hdră bi hgŭm, duh bi liê ti ƀuôn prŏng hlăm dŭm mta bruă Alemang mâo klei găl msĕ si kdrăp mkra mjing, anôk bruă nah gŭ, pui kmlă doh… đru mbĭt hŏng ƀuôn prŏng đĭ kyar kjăp.

Ƀuôn prŏng Hồ Chí Minh ƀuăn mkra mđĭ wăl anôk duh bi liê, mjing klei găl kơ anôk bruă duh mkra Alemang duh bi liê, mnia mblei ti ƀuôn prŏng. Khua kiă kriê ƀuôn prŏng ăt čang hmăng Khua mil čhil Alemang mtrŭt, sa ai hŏng anôk bruă mtô bi hriăm Alemang, anôk bruă duh mkra Alemang mđĭ hdră bi hgŭm hŏng ƀuôn prŏng Hồ Chí Minh hlăm bruă mtô bi hriăm kơ phung sinh viên, bi trông klei thâo kriê dlăng lehanăn mlih mrâo hlăm mtô bi hriăm. Đuê̆ mơ̆ng ƀuôn prŏng tlam mmăt hruê 24/1, mjưh ruê̆ jăk siam hdră hiu čhưn gưl knŭk kna truh ti Việt Nam./.