VOV4.Êđê - Hlăm hruê 2 -3/8, hlăm gưl čhưn lehanăn mă bruă ti Dhŭng Korea, Khua anôk kriê dlăng bruă Đảng Võ Văn Thưởng lehanăn Êpul bi ala gưl dlông mơ̆ng Đảng Cộng sản Việt Nam mâo leh hdră bi tuôm hŏng phung khua Dhŭng Korea, hlăm anăn bi tuôm hŏng Khua bruă kƀĭn ala Dhŭng Korea Kim Jin Pyo, Anôk kiă kriê Đảng Ai ktang ala čar ti Anôk bruă kƀĭn ala, Êpul hgŭm phung khua bi mjĕ mjuk Dhŭng Korea – Việt Nam, Êpul bi mjĕ mjuk bruă duh mkra – Dhar kreh Dhŭng Korea – Việt Nam, Êpul hgŭm mnuih Dhŭng Korea khăp kơ ala čar Việt Nam. Ti anôk bi tuôm hŏng Khua bruă kƀĭn ala Kim Jin Pyo lehanăn dŭm êpul ti Dhŭng Korea, Võ Văn Thưởng mñă leh hdră mđĭ hĭn klei bi mjĕ hŏng Dhŭng Korea mâo leh Khua gĭt gai Đảng Nguyễn Phú Trọng hưn mdah ti anôk bi kƀĭn online hŏng Khua mil čhil Dhŭng Korea Yoon Suk Yeol; čang hmăng kơ Khua bruă kƀĭn ala Kim Jin Pyo sa ai hŏng bruă lŏ mđĭ hĭn klei bi mjĕ hlăm bruă kđi čar hluê dŭm hdră bi trông, mđĭ klei bi hgŭm bruă duh mkra, mnia mblei lehanăn duh bi liê./.

            H’Nêč pô mblang