Khua mil čhil Fiji hơêč hmưi kơ Việt Nam kơ jih jang klei tŭ dưn mơ̆ng bruă mdrơ̆ng hŏng klei ruă tưp Covid-19 lehanăn klei lŏ kơrŭ wĭt bruă duh mkra ară anei. Fiji čang hmăng mâo klei hriăm êmuh hŏng Việt Nam hŏng ya mta bruă Việt Nam mâo klei găl, lehanăn Fiji hlăk dôk mđing ară anei jing bi mguôp hŏng lu ala čar.

Khua bi ala čang hmăng kơ dua nah pral mâo dŭm hdră êlan ngă bruă, kñăm mđĭ klei hgŭm duh mkra mnia mblei dua nah jăk hĭn hlăm dŭm bruă mâo klei găl msĕ si klei duh mkra mnia mblei, klei duh bi liê, lehanăn bruă ngăn prăk, lehanăn klei bi êrô êbat mơ̆ng mnuih ƀuôn sang dua ala čar. Akâo kơ Fiji mjing djăp klei găl kơ mnuih Việt Nam dôk hriăm lehanăn mă bruă ti Fiji lehanăn phung duh mkra Việt Nam dôk hgŭm bruă hŏng lăn čar anei./.