VOV4.Êđê-  Êpul khua kiă kriê bruă Đảng ƀuôn prŏng Hồ Chí Minh mrâo mâo leh klei bi mklă mkŏ mjing Êpul bi kdơ̆ng hŏng klei ƀơ̆ng ngăn ƀuôn prŏng, mâo ruah leh Khua bruă Đảng ƀuôn prŏng Nguyễn Văn Nên ngă khua êpul. Êpul anei mâo 15 čô. Dôk hlăm êpul khua kiă kriê jing 6 čô mâo: Khua bruă Đảng ƀuôn prŏng Nguyễn Văn Nên, jing khua êpul, k’iăng jing Lê Thanh Liêm, Khua êpul ksiêm dlăng bruă knuă hlăm bruă Đảng ƀuôn prŏng, lehanăn dŭm phung k’iăng mkăn mâo aduôn Nguyễn Thị Lệ, K’iăng khua bruă Đảng ƀuôn prŏng, Khua Êpul Gơ̆ng bruă ƀuôn sang ƀuôn prŏng Hồ Chí Minh; Dương Ngọc Hải, Khua anôk bruă ksiêm dlăng bruă Đảng ƀuôn prŏng; Nguyễn Phước Lộc, Khua êpul bruă mkŏ mjing bruă Đảng ƀuôn prŏng; Lê Hồng Nam, Khua knơ̆ng bruă kahan ksiêm ƀuôn prŏng Hồ Chí Minh. Anôk bruă kiă kriê bruă knuă Đảng ƀuôn prŏng jing anôk ngă bruă mơ̆ng êpul. Êpul anei mâo bruă klam kiă kriê bruă bi kdơ̆ng hŏng klei ƀơ̆ng ngăn hluê djŏ hŏng mta mtrŭn mrô 67-QĐ/TW hrue 2/6/2022 mơ̆ng Êpul khua kiă kriê./.

         Pô mblang: Y-Khem Niê