Ti să Hòa Phú, Anôk bruă ngă hră mơar knŭk kna msir mghaih leh hră mơar djŏ wưng kčah êbeh 90%, knŏng dôk 28 hră mơar êmưt bi leh djŏ tuôm kơ bruă lăn ala. Gru hmô “Êpul bi kdơ̆ng pral” lehanăn “Alŭ mrô – Jăk găl – Kpă mngač” dưi pŏk ngă đru kơ mnuih ƀuôn sang dưi bi mjĕ hĭn hŏng hdră ngă hră mơar knŭk kna.Ti ƀuôn hgŭm Êa Kao, Anôk bruă brei 10 čô knuă druh, mprăp ênŭm mnơ̆ng, kdrăp mrâo, msir mghaih êbeh 2.500 hră mơar, djŏ wưng kčah 99,7%.

Ƀuôn hgŭm dôk ba yua kdrăp klei thâo anak mnuih AI đru kơ mnuih ƀuôn sang ba dưm hră mơar lehanăn ksiêm dlăng klei hâo hưn hŏng kdrăp QR, mbĭt anăn mkŏ hlăm kdrăp ngă bruă knŭk kna hlăm kdrăp “Dak Lak mrô”.Mơ̆ng hdră ksiêm dlăng, Lương Nguyễn Minh Triết, Khua bruă Đảng čar Dak Lak mtă kơ 2 alŭ wăl lŏ dơ̆ng ksiêm dlăng, duh ênŭm kơ anôk bruă nah gŭ, mjuăt bi hriăm knuă druh thơ̆ng kơ bruă čiăng anôk bruă ngă bruă tŭ dưn, klă sĭt hĭn, đru mkŏ mjing anôk bruă knŭk kna mrô ti nah gŭ./.