Hluê si klei hưn, kluôm čar Dak Lak mâo 3 čô djiê, 2 čô êka, 16 boh sang dlưh, 420 boh sang kpŏk čuôr, 737 boh sang êngăp êa, hlăm brô 3.500 ha mnơ̆ng pla lehanăn 54.000 ênao rông kan jhat rai, lu ktuê êlan bi ktlah amâo dưi găn êrô, pui kmlă lehanăn ana kyâo mtâo êbuh, hmăi kjham.

Mbĭt hŏng bruă mjêč msir mghaih klei luič liê kơ anôk bruă nah gŭ, Khua bruă Đảng čar Dak Lak Lương Nguyễn Minh Triết mtă kơ dŭm alŭ wăl amâo lui mnuih ƀuôn sang amâo mâo anôk dôk êđăp ênang, ksiêm dlăng, mâo hdră đru mjêč, iêu ba dŭm êpul lŏ mdơ̆ng pư̆k sang, krŭ wĭt bruă duh mkra pla mjing leh angĭn êbŭ./.