Bi ala kơ phung khua kiă kriê čar Daklak, Khua bruă Đảng čar Nguyễn Đình Trung mâo leh asăp hơêč hmưi jăk siam truh hŏng knuă druh, mnuih ngă bruă hlăm anôk bruă sang mđung asăp blŭ Việt Nam ti Lăn Dap kngư, hơêč hmưi kơ dŭm boh tŭ hlăm klei hâo hưn mơ̆ng sang mđung asăp blŭ Việt Nam lehanăn anôk bruă jưh dôk ti lăn dap kngư hlăm wưng leh êgao.

Khua bruă Đảng čar Daklak lač, mbĭt hŏng klei mkŏ mjing lehanăn bi lar djăp mta kle i mrâo, klei čih anôk bruă anei mâo ngă leh hdră mđung asăp blŭ 6 klei blŭ mnuih djuê ƀiă, dôk hlăm ênoh 13 klei blŭ mnuih djuê ƀiă mơ̆ng sang mđung asăp blŭ Việt Nam dôk mkŏ mjing. Anei jing sa êlan hâo hưn kjăp, jăk đru mguôp leh yuôm bhăn dŭm hdră êlan mơ̆ng Đảng, knŭk kna druh hŏng mnuih djuê ƀiă, hŏng klei klă mngač, lehanăn mâo klei tŭ dưn hlăm klei mđĭ kyar./.