VOV4.Êđê- Klă klơ̆ng tŭ drông 91 thŭn hruê mkŏ mjing êpul hđeh êdam êra cộng sản Hồ Chí Minh, tlam anei, 25/3, srăng mkŏ mjing klei blŭ hrăm êlan online plah wah khua bruă hđeh êdam êra cộng sản Hồ Chí Minh tal êlâo Nguyễn Anh Tuấn, khua kiă kriê êpul hgŭm hđeh êdam êra Việt Nam hŏng phung hđeh êdam êra, hđeh lăk hlăm leh anăn êngao ala čar hŏng akŏ “Klei hmăng hmưi đru mguôp – knhuah hdĭp hđeh êdam êra”. Hlăm klei blŭ hrăm, khua bruă hđeh êdam êra cộng sản Hồ Chí Minh tal êlâo Nguyễn Anh Tuấn, srăng hmư̆ dŭm klei hưn mdah, klei hmăng hmưoi mơ̆ng phung hđeh êdam êra, hlăk mblang dŭm klei ka thâo săng, hmư̆ dŭm klei kčĕ, klei đru mguôp mơ̆ng phung mda asei hlăm leh anăn êngao ala čar. Bi trông kơ bruă ngă, bruă klam mơ̆ng êpul bruă hđeh êdam êra, klei kčĕ čiăng mkŏ mjing êpul êya bruă hđeh êdam êra nao hgŭm hlăm bruă krŭ wĭt, mđĭ kyar bruă duh mkra ala čar leh klei hmăi amâo jăk mơ̆ng klei ruă tưp Covid-19. Mbĭt anăn, dưm mta kñăm, bruă klam, hdră êlan đru kơ êpul leh anăn hdră bruă phung hđeh hlăm hruê mmông kơ anăp.

Pô mblang: Y-Ƀel Êban