Hlăm klei nao čhưn ti Cuba, aguah mbrue 19/4, ti ƀuôn prŏng phŭn La Habana, Khua bruă kƀĭn ala Vương Đình Huệ lehanăn êpul khua prŏng bruă kƀĭn ala Việt Nam nao čuă lehanăn mâo leh klei blŭ hrăm hŏng knuă druh mnuih ngă bruă anôk bruă bi ala knŭk kna Việt Nam lehanăn mnuih Việt Nam hdĭp ti Cuba. Blŭ hrăm ti anăn.

Khua bruă kƀĭn ala hơ̆k mơak mâo lŏ nao čhưn kơ Cuba, bi tuôm hŏng mnuih Việt Nam ti Cuba, sa anôk kbưi hŏng lăn čar. Khua bruă kƀĭn ala, êngao kơ bruă phŭn mơ̆ng bruă kƀĭn ala, lŏ mâo phung khua êmua hlăm dŭm knơ̆ng dhar bruă, alŭ wăl, phung duh mkra kñăm tui duah klei bi hgŭm dua ala čar. Khua bruă kƀĭn ala mtă kơ anôk bruă bi ala, jih jang phung duh mkra hlăk dôk ngă bruă ti Cuba brei mâo klei thâo bi mguôp, bi đru, bi êdah nanao ai tiê klei ktang pô msĕ hŏng Cuba mơh.