Blŭ hrăm ti anôk bi tuôm anăn, Khua bruă kƀĭn ala Vương Đình Huệ bi mni kơ êpul ngă bruă phung bi ala, êpul khua prŏng mniê mâo bi mguôp leh ngă lu mta bruă kơ phung amai adei, Khua bruă kƀĭn ala mñă, hlăm grăp wưng păn bruă kƀĭn ala, mơ̆ng akŏ wưng păn bruă gưl 15 truh kơ ară anei, bruă kƀĭn ala mâo leh klei ksiêm duah, mlih mrâo mâo ba wĭt leh klei tŭ dưn jăk.

Hlăm, jing bruă klam mơ̆ng phung bi ala bruă kƀĭn ala jing mniê, hlăm dŭm anôk bruă kƀĭn ala ti gưl 15 mâo hnơ̆ng ênoh jing lu hĭn mkă hŏng 10 wưng păn bruă giăm anei, jing truh 30,26%, ênoh anăn mâo leh klei anôk bruă kƀĭn ala tŭ yap. Khua bruă kƀĭn ala đăo knang, phung mniê bruă kƀĭn ala srăng lŏ dơ̆ng bi lar hĭn dŭm boh tŭ dưn leh mâo, mâo klei đru mguôp yuôm bhăn hlăm bruă kƀĭn ala, mđrăm mbĭt mjing lu boh tŭ dưn, čiăng lŏ ktur klă mngač hĭn knhuah gru jăk siam, lehanăn anăp bi hdơr 80 thŭn bruă kƀĭn ala Việt Nam.