Khua bruă kƀĭn ala Vương Đình Huệ mpŭ bi mni lač jăk kơ Đảng, Knŭk kna Cuba kyua dưi jing tuê ala tač êngao tal êlâo mâo blŭ hrăm ti anăp Bruă kƀĭn ala Cuba, leh Bruă kƀĭn ala gưl X ruah Phung khua gĭt gai mrâo wưng 2023-2028. 

Khua bruă kƀĭn ala mñă klă, truh ară anei găn lu klei lông dlăng, kăm dŭ mdiăng, yan adiê ngă, klei ruă tưp, Cuba mâo lu klei tŭ dưn jăk hlăm klei hlue ngă gru hmô bruă duh mkra. Klei bi ktưn lu ala čar dôk dleh ktuê dlăng, klei anăn brei dua ala čar bi hgŭm kjăp, krơ̆ng klei bhiăn êngiê, bi hgŭm mtăp mđơr. Hlăm ai tiê bi trông, bi tui hriăm, Khua bruă kƀĭn ala Vương Đình Huệ kah mbha 6 boh phŭn kơ klei mlih mrâo, mđĭ hĭn hnơ̆ng jăk, tŭ dưn ngă bruă mơ̆ng bruă kƀĭn ala Việt Nam hlăm wưng mrâo. Mjưh ruê̆ klei bi kƀĭn kluôm mâo klei mmuiñ “Msĕ si mâo Awa Hồ hlăm klei mơak mñai tŭ dưi” mơ̆ng phung hđeh sang hră Cuba mmuiñ./.