VOV4.Êđê - Aguah mbrue (14/4), ti Sang bruă kƀĭn ala, pŏk leh klei bi kƀĭn tal 10 mơ̆ng Dhar bruă gĭt gai bruă kƀĭn ala. Blŭ pŏk klei bi kƀĭn, Khua bruă kƀĭn ala Vương Đình Huệ lač: Ti anôk bi kƀĭn, sa hlăm dŭm bruă yuôm bhăn Dhar bruă gĭt gai bruă kƀĭn ala ngă jing mă klei blŭ kơ bruă ksiêm thŭn 2023, hâo mdah boh tŭ dưn klei ksiêm truăn kơ bruă “Hluê ngă hdră êlan, klei bhiăn kơ bruă čuăl mkă mơ̆ng leh hdră bhiăn čuăl mkă mâo klei tŭ dưn”. Ti anôk bi kƀĭn, Dhar bruă gĭt gai bruă kƀĭn ala mâo klei bi klă kơ bruă mkŏ mjing hdră bhiăn, klei bhiăn mtrŭn thŭn 2022, hdră mtrŭn mơ̆ng bruă kƀĭn ala lŏ tư̆ hdui wưng ba yua Hdră mtrŭn mrô 42, bi tŭ ư kơ hdră êlan bi klah čŭn klei ngă bruă tui si klei bi mklă leh hlăm hdră mtrŭn ti anôk bi kƀĭn hlăm mlan 5 thŭn anei, wưng kčah ba yua hdră mtrŭn 42 truh kơ hrue 31/12/2023. Dhar bruă gĭt gai bruă kƀĭn ala mtă kơ knŭk kna lŏ dơ̆ng mâo klei blŭ bi mlih mkra jih jang klei hâo mdah mơ̆ng klei hlue ngă hdră mtrŭn 42 mơ̆ng bruă kƀĭn ala, lehanăn hră mơar mơĭt truh kơ dŭm anôk bruă hlăm bruă kƀĭn ala lehanăn dŭm anôk bruă ksiêm dlăng./.

Y-Khem pô mblang