Nao hlăm knăm tŭ drông Khua bruă kƀĭn ala Bulgaria ti sang hdră gưl prŏng Hà Nội mâo k’iăng Khua bruă kƀĭn ala, Khua kiă kriê dhar bruă hŏng tač êngao mơ̆ng Bruă kƀĭn ala, K’iăng khua kiă kriê Dhar bruă hŏng tač êngao. Hlăm mmông tŭ drông, Khua kiă kriê sang hră gưl prŏng ala čar Hà Nội Lê Quân bi êdah klei hơ̆k mơak êjai dưi drông Khua bruă kƀĭn ala Bulgaria mbĭt hŏng êpul bi ala gưl dlông hriê čuă leh anăn mjĕ mjuk hŏng phung nai mtô, phung hriăm gưl prŏng hlăm sang hră.

Hŏng knhuah gru klei bi mguôp jăk siam plah wah dua lăn čar, Khua kiă kriê sang hră Lê Quân đăo knang sang hră gưl prŏng Hà Nội leh anăn dŭm sang hră gưl prŏng mơ̆ng Bulgaria srăng mâo klei găl bi trông, bi mguôp êlam hĭn hlăm bruă mtô mjuăt bi hriăm, ksiêm duah klei kreh knhâo, anei ăt jing tur knơ̆ng kơ klei mjĕ giăm kjăp plah wah dua ala čar. Khua bruă kƀĭn ala Bulgaria mơĭt klei êmuh hrăm hŏng phung khua kiă kriê mbĭt hŏng phung hriăm gưl prŏng ti sang hră leh anăn mâo klei blŭ hrăm kơ “Klei mjĕ giăm dua tĭng plah wah Bulgaria leh anăn Việt Nam hŏng klei ktuê dlăng mơ̆ng dŭm gưl bruă duh mkra leh anăn dhar kreh”./.