VOV4.Êđê- Tlam 22/8, ti Sang bruă kƀĭn ala, Khua bruă kƀĭn ala Vương Đình Huệ nao hlăm klei mă bruă plah wah Êpul ktuê dlăng mơ̆ng Bruă kƀĭn ala hŏng Knơ̆ng bruă sang čư̆ êa ƀuôn prŏng Hà Nội kơ klei hlue ngă mkiêt mkriêm. Bi kdơ̆ng luič liê mang. Hâo hưn mơ̆ng Knơ̆ng bruă sang čư̆ êa ƀuôn prŏng Hà Nội mñă klă, bruă hlue ngă mkiêt mkriem bi mdơ̆ng luič liê mang dưi mđing dlăng, gĭt gai kjăp leh anăn bi mklă bruă klam phŭn mơ̆ng ƀuôn prŏng. Năng mđing hlăm wưng thŭn 2016-2021, Ƀuôn prŏng mkiêt mkriêm leh giăm 42 êbâo êklai prăk.

Khua bruă kƀĭn ala Vương Đình Huệ lač, ƀuôn prŏng Hà Nội jing alŭ wăl mâo nanao ai tiê đua klam kơ klei mkiêt mkriêm, bi kdơ̆ng luič liê mang hlăm jih bruă knŭk kna leh anăn êngao knŭk kna. Hlăm wưng kơ anăp, ƀuôn prŏng Hà Nội brei ktuê dlăng amâo brei luič liê mang lăn ala msĕ si êngă lăn lŏ hma ka yua, klei ksĭng mmiă lăn, yua soh hdră bhiăn lăn lŏ hma; ngă hnưm hdră čuăl mkăn lăn ala, ksiêm yap čiăng mâo lăn mđĭ kyar, yua jih klei găl lăn ala./.

Pô mblang: H’Zawut Ƀuôn Yă