Khua bruă kƀĭn ala Vương Đình Huệ mñă klă, Việt Nam dlăng yuôm bhăn leh anăn hmăng mhưi mtrŭt mđĭ klei mjĕ giăm hŏng Êpul hgŭm Ơrôp (EU), hlăm anăn mâo Nghị Viện Ơrôp - ƀĭng hgŭm yuôm bhăn mrô 1 hlăm hdră êlan hŏng tač êngao mơ̆ng Việt Nam hlăm djăp mbah bruă kƀĭn ala, knŭk kna, mjĕ êrô mnuih ƀuôn sang.

Hlăm mmông tŭ drông, dua tĭng ƀuăn mđĭ hĭn klei bi trông êpul gưl dlông, dŭm gưl, 2 tĭng lŏ dơ̆ng bi mguôp kjăp, boh nik kah mbha klei hriăm ngă bruă nghị viện, bi kluôm hdră klei bhiăn, mgaih msir dŭm klei lông dlăng tar rŏng lăn. Êngao kơ bruă mđĭ hĭn klei bi mguôp 2 tĭng, dua tĭng lŏ dơ̆ng bi mguôp hlăm dŭm klei kƀĭn nghị viên lu tĭng leh anăn hlăm alŭ wăl, hmăng hmưi klei mjĕ giăm srăng lŏ dưi mđĭ hĭn, hlăm anăn klei bi mguôp nghị viện mâo bruă klam yuôm bhăn hlăm klei mjĕ giăm kluôm plah wah EU leh anăn Việt Nam.