VOV4.Êđê- Tlam mmăt hrue 12/5, Khua bruă kƀĭn ala Vương Đình Huệ drông čhưn leh hŏng nai prŏng, nai prĭn Viêng Thoong Sifanđon, Knơ̆ng khua kiă kriê sang phat kđi gưl dlông Lao hriê čhưn ti Việt Nam. Khua bruă kƀĭn ala mñă, klei hriê čhưn anei jing yuôm bhăn hlăm klei dua ala čar dôk mprăp kơ klei mkŏ mjing klei bi hdơr hrue mjĕ mgiăm hgŭm mbĭt, lehanăn hrue kuôl kă hgŭm bruă Việt Nam – Lao. Ti anôk trông čhai gưl dlông plah wah dua ala čar hlăk dôk mâo dŭm klei tŭ dưn, lehanăn čang hmăng hŏng bruă păn mrâo, ñu srăng bi leh bruă mbĭt hŏng Sang phat kđi gưl dlông Việt Nam lŏ hyuă kjăp hĭn klei bi mguôp dua ala čar. Khua bruă kƀĭn ala čang hmăng, sang phat kđi dua ala čar lŏ dưn yua jih djăp mta leh mâo ngă, lŏ mđĭ mlih nanao hlăm wưng kơ anăp. Hŏng bruă pô păn, Khua bruă kƀĭn ala sa ai lehanăn đru čiăng kơ dua anôk bruă lŏ hyuă kjăp hĭn klei hgŭm hlăm wưng kơ anăp./.

Pô mblang: Y-Khem Niê