VOV4.Êđê- Tlam hruê mbruê 10/8, ti Sang bruă kƀĭn ala, Khua bruă kƀĭn ala Vương Đình Huệ drông leh Khua bruă Đảng gưl dlông, Khua bruă Đảng ƀuôn prŏng, Khua êpul gơ̆ng bruă ƀuôn sang ƀuôn prŏng phŭn Viêng Chăn djă akŏ Êpul bi ala gưl dlông mơ̆ng prŏng phŭn A-nụ-phạp Tu-na-lom hriê čhưn, mă bruă ti ƀuôn prŏng phŭn Hà Nội.

 Ti knăm anei, dua tĭng mñă gưl hiu čhưn tal anei bi êdah klei bi mjĕ jăk siam plah wah dua Đảng, dua knŭk kna. Khua bruă kƀĭn ala mtă kơ Lao lŏ dơ̆ng mđing dlăng, mjing klei găl kơ dŭm anôk bruă duh mkra Việt Nam dôk mă bruă ti Lao, kñăm mđĭ kyar bruă duh mkra dua ƀuôn prŏng phŭn. Êpul gơ̆ng bruă ƀuôn sang dua ala čar srăng bi trông klei thâo kñăm ngă bruă ba wĭt klei tŭ dưn lehanăn bi kjăp anôk bruă kđi čar, anôk bruă hdră bhiăn mơ̆ng dua tĭng./.

                                                    Pô mblang: H’Nêč Êñuôl