VOV4.Êđê - Tlam mmăt hruê 22/3, ti Sang bruă kƀĭn ala, Khua bruă kƀĭn ala Vương Đình Huệ drông Manuela Ferro,  K’iăng Khua Knơ̆ng prăk dlông rŏng lăn (WB) klam bruă ti krĭng Ngŏ Asi - Pacific ƀri gưl hriê mă bruă ti Việt Nam mơ̆ng hruê 17 – 24/3/2022. Khua bruă kƀĭn ala Vương Đình Huệ lač, ară anei Việt Nam dôk iêô mkrum prăk kơ hdră mđĭ kyar. Bruă kƀĭn ala Việt Nam čang hmăng WB đru Việt Nam lŏ dơ̆ng mkra mđĭ ngăn prăl knŭk kna leh anăn prăk nư knŭk kna hlue hdră hơĭt kjăp hĭn, iêô mkrum ênoh prăk êlưih leh anăn găl mđĭ kyar bruă duh mkra. Anei jing hdră mđing mơ̆ng Việt Nam. Manuela Ferro bi mni kơ klei mĭn mbruă leh anăn klei pral mơ̆ng bruă kƀĭn ala Việt Nam hlăm bruă mkŏ mjing klei bi kƀĭn bruă duh mkra grăp gưl čiăng ba mdah hdră êlan, hră čih klei bhiăn kñăm mđĭ klei đĭ kyar lăn čar leh anăn bi mklă, WB srăng tiŏ nao phung thơ̆ng kơ bruă hgŭm hlăm klei bi kƀĭn anei; WB nao ai hŏng bruă ktuê dlăng mơ̆ng Bruă kƀĭn ala, boh nik ktuê dlăng ngăn prăk knŭk kna./.

H’Zawut pô mblang