VOV4.Êđê - Tlam mmăt mbrue (20/1), ti sang Bruă kƀĭn ala, Khua bruă kƀĭn ala Vương Đình Huệ drông leh aduôn Marta Matrai, k’iăng khua tal sa bruă kƀĭn ala Hungary hlăk dôk mă bruă ti Việt Nam. Khua bruă kƀĭn ala Vương Đình Huệ kkuh mơak hŏng k’iăng khua bruă kƀĭn ala Hungary, lehanăn êpul hlăk hriê čhưn lehanăn mă bruă ti Việt Nam hlăm dŭm hrue akŏ thŭn mrâo, lehanăn mñă, Bruă kƀĭn ala Việt Nam srăng mđing hĭn,  bi mguôp hdră mă bruă mbĭt hŏng Hungary kah leh truh 500 êklăk euro prăk ODA kơ klei mđĭ kyar dŭm mta bruă hgŭm dua ala čar, lehanăn đru prăk hriăm hră mơar kơ 200 čô hđeh gưl prŏng nao hriăm bruă duh mkra, hdră mă bruă mrô yuôm bhăn, lehanăn bi mguôp hlăm dŭm bruă dhar kreh Hungary ti Việt Nam, čang hmăng anei srăng jing anôk mâo lu phung tuôm hriăm leh kơ Hungary lehanăn mnuih Việt Nam nao čuă. Khua bruă kƀĭn ala Vương Đình Huệ akâo, hlăm wưng kơ anăp, dua nah srăng kuôl kă klei hgŭm dua bruă kƀĭn ala hŏng klei djăp ênŭm hĭn./.

Y-Khem pô mblang