VOV4.Êđê- Tlam mbrue (24/7), ti Hà Nội, Khua bruă kƀĭn ala Vương Đình Huệ nao lehanăn blŭ hrăm leh ti anôk bi kƀĭn hưn mdah hdră mtrŭn mơ̆ng Phŭn bruă kđi čar, lehanăn Hdră mtrŭn mơ̆ng Dhar bruă gĭt gai bruă kƀĭn ala kơ bruă knuă druh. Tinăn, k’iăng khua Êpul mkŏ mjing gưl dlông, Khua êpul ngă bruă pô bi ala Nguyễn Thị Thanh hưn mdah klei bi mklă mơ̆ng phŭn bruă kđi čar kơ bruă ruah mdưm Ngô Văn Tuấn mŭt hlăm Êpul khua kiă kriê, Êpul khua gĭt gai, mdei bruă jing Khua bruă Đảng čar Hoà Bình, Khua êpul bi ala bruă kƀĭn ala čar Hoà Bình, mâo tiŏ nao ngă bruă Khua kiă kriê bruă Đảng hlăm anôk bruă tĭng mkă ngăn prăk knŭk kna. Blŭ hrăm ti anôk bi kƀĭn, Khua bruă kƀĭn ala Vương Đình Huệ mtă kơ Ngô Văn Tuấn pral pai mă jih jang bruă knuă, mbĭt hŏng êpul khua kiă kriê hlăm Đảng, anôk bruă mkă tĭng ngăn prăk knŭk kna ngă bruă bi djŏ hŏng bruă klam pô bi leh bruă mâo jao./.

Pô mblang: Y-Khem Niê