Blŭ hrăm hlăm mmông mă bruă hŏng dŭm anôk bruă leh ksiêm dlăng boh klei, Khua bruă kƀĭn ala Trần Thanh Mẫn lač klă, Tač êdeh phiơr prŏng Long Thành jing hdră bruă yuôm bhăn, mâo Khua gĭt gai Đảng, Knŭk kna mđing dlăng snăk.

Anei jing hdră bruă yuôm bhăn hŏng klei mđĭ kyar bruă duh mkra- ala ƀuôn, klei êđăp ênang mơ̆ng čar Đồng Nai, krĭng bruă duh mkra phŭn nah dhŭng leh anăn mơ̆ng kluôm ala, mĭn tĭng ba hlăm brô 200.000 bruă mă. Tač êdeh phiơr prŏng Long Thành dưi čang hmăng jing sa hlăm dŭm anôk dŭ mdiăng êlan phiơr mrâo mrang ti krĭng wăl. Kơ hnơ̆ng rŭ mdơ̆ng Tač êdeh phiơr prŏng Long Thành, truh ară anei bi leh bruă hiu ksiêm duah ƀom, čuk hli, rŭ mdơ̆ng mñư̆ mnang, dôk rŭ mdơ̆ng hdră bruă kdrŭn êdeh, êlan mphŭn đĭ phiơr, Ktuê êlan mrô 1 mkŏ hŏng Êlan dơ̆ng ala čar 51 leh anăn 03 hdră rŭ mdơ̆ng phŭn. Dŭm hdră bruă êbeh leh hŏng hnơ̆ng hră kuôl kă.