VOV4.Êđê- Tlam mmăt hruê 24/3, ti Sang bruă kƀĭn ala, Khua bruă kƀĭn ala Vương Đình Huệ gĭt gai mmông mă bruă mơ̆ng êpul bruă Đảng bruă kƀĭn ala hŏng Anôk dlăng bruă Đảng kahan ksiêm gưl dlông kơ dŭm boh phŭn adôk lu klei blŭ mdê mdê kơ hră čih Hdră bhiăn, hră čih Hdră mtrŭn mơ̆ng bruă kƀĭn ala mơ̆ng Phŭn bruă kahan ksiêm gĭt gai čih mkra, hưn mdah hŏng Bruă kƀĭn ala hlăm Klei bi kƀĭn tal 3, Bruă kƀĭn ala gưl XV; klei tŭ hlue ngă dŭm Hdră mtrŭn mơ̆ng Bruă kƀĭn ala, Klei bhiăn bi hgŭm plah wah Phŭn bruă kahan ksiêm hŏng Êpul hgŭm djuê ana, dŭm Knơ̆ng bruă kƀĭn ala; dŭm klei kčĕ hŏng êpul bruă Đảng bruă kƀĭn ala, Knơ̆ng bruă kƀĭn ala hlăm hdră kčĕ , mkŏ mjing hdră bhiăn mơ̆ng Phŭn bruă kahan ksiêm, boh nik hlăm bruă mkŏ mjing dŭm klei kčah mtrŭn djŏ tuôm kơ bruă klei êđăp ênang, lĭng kahan. Khua bruă kƀĭn ala Vương Đình Huệ bi mni kơ bruă klam mơ̆ng kahan ksiêm hŏng bruă ngă mơ̆ng bruă kƀĭn ala, lač, dua tĭng brei mđĭ ktang klei bi hgŭm hâo hưn, kñăm đru kơ dŭm bruă ngă mơ̆ng Bruă kƀĭn ala hlăm bruă mkŏ mjing hdră bhiăn, ktuê dlăng gưn dlông, bi mklă dŭm bruă yuôm bhăn mơ̆ng lăn čar leh anăn bruă hŏng tač êngao.

Pô mblang: H’Zawut Ƀuôn Yă