VOV4.Êđê- Aguah mbrue (24/2), ti Sang bruă kƀĭn ala, Khua bruă kƀĭn ala Vươn Đình Huệ mă leh bruă hŏng Êpul ksiêm dlăng mơ̆ng Dhar bruă gĭt gai bruă kƀĭn ala kơ “Kơ klei hlue ngă bruă bi mkă mơ̆ng Dhar bruă gĭt gai bruă kƀĭn ala hlăm klei dăp wĭt hdră êlan mă bruă ti gưl kdriêk, gưl să hlăm wưng thŭn 2019 – 2021”.

Blŭ hrăm ti anôk mă bruă, Khua bruă kƀĭn ala Vương Đình Huệ tŭ ư hŏng hdră mă bruă wưng kơ anăp mơ̆ng Êpul ksiêm dlăng, Khua bruă kƀĭn ala mtă lŏ dơ̆ng ksiêm duah bi nik hĭn hlăm klei hâo mdah mơ̆ng dŭm phŭn dhar bruă, alŭ wăl, boh nik mơ̆ng Êpul bi ala bruă kƀĭn ala lehanăn Êpul Gơ̆ng bruă ƀuôn sang, lehanăn bruă Mặt trận dŭm čar, ƀuôn prŏng hlăm gưl dlông. Khua bruă kƀĭn ala ăt brei ngă bi mngač hĭn hlăm bruă dăp hdră êlan ngă bruă ti dŭm gưl kdriêk, să, mă klei hriăm čiăng ngă bi tŭ jing hĭn kơ wưng ti anăp./.

 Pô mblang: Y-Khem Niê