Aguah mbruê 14/6, ti Sang bruă kƀĭn ala, Khua bruă kƀĭn ala Vương Đình Huệ leh anăn K’iăng Khua Bruă kƀĭn ala Trần Thanh Mẫn hrăm mbĭt gĭt gai mmông mă bruă mơ̆ng khua gĭt gai Bruă kƀĭn ala hŏng Êpul ktuê dlăng mơ̆ng Dhar bruă kƀĭn ala kơ “Bruă hlue ngă Hdră mtrŭn mrô 88 leh anăn Hdră mtrŭn mrô 51 mơ̆ng Bruă kƀĭn ala kơ klei mlih mrâo hdră mtô bi hriăm gưl tlâo”.

Blŭ hrăm hlăm klei bi kƀĭn, Khua Bruă kƀĭn ala Vương Đình Huệ brei thâo, anei jing sa hlăm 4 akŏ ktuê dlăng mơ̆ng Bruă kƀĭn ala, Dhar bruă Bruă kƀĭn ala hlăm thŭn 2023. Boh tŭ leh 9 mlan ktuê dlăng mâo leh 63 êpul bi ala Bruă kƀĭn ala, 48 Êpul gơ̆ng ƀuôn sang gưl čar hưn mdah boh tŭ djŏ tuôm kơ bph phŭn anei. Khua Bruă kƀĭn ala mñă klă, hră čih Hdră mtrŭn jing hdră knhal tuč mơ̆ng êpul ktuê dlăng, kyua anăn, brei ksiêm dlăng klei dưi ngă, klei ka dưi ngă, êdu kƀah, mta phŭn, bruă klam leh anăn ya klei Êpul ktuê dlăng kčĕ? Dŭm boh phŭn anei mjing tur knơ̆ng čiăng kơ Êpul ktuê dlăng mtă kơ dŭm anôk bruă hlue ngă./.