VOV4.Êđê- Tlam mmăt hruê 25/6, ti čar Quảng Ngãi, Khua bruă kƀĭn ala Vương Đình Huệ nao čhưn leh anăn mă bruă ti Knơ̆ng bruă kar êa pui Bình Sơn. Blŭ hrăm hlăm mmông mă bruă, Khua bruă kƀĭn ala Vương Đình Huệ mñă klă, mđĭ hnơ̆ng răng kriê, mđĭ klei thâo leh anăn mđĭ ba yua dŭm hdră msir kreh knhâo leh anăn kdrăp mrâo čiăng đru mđĭ klei dưi ngă bruă, hnơ̆ng êđăp ênang, hnơ̆ng jăk mnơ̆ng dhơ̆ng, bi hrŏ ênoh mkra ming, rơ̆ng klei hdĭp kơ phung knuă druh, mnuih mă bruă knŭk kna. Khua bruă kƀĭn ala mbĭt anăn bi mni kơ bruă klam mơ̆ng Êpul grup êa pui êwa čuh Việt Nam, hlăm wưng kơ anăp, mtă kơ Êpul grup êa pui êwa čuh Việt Nam: Kƀĭn klei dưi čiăng bi leh hdră kñăm hdră bruă mđĭ kyar êa pui êwa čuh Việt Nam leh anăn PVN truh thŭn 2025, hnơ̆ng trah dlăng truh thŭn 2035; pŏk ngă mđrăm mbĭt Hdră bruă lŏ mkra mjing Anôk bruă duh mkra mơ̆ng PVN, rơ̆ng mđĭ lar tŭ dưn klei dưi duh bi liê ăt msĕ mơh mkŏ mjing wăl mđ kyar ênoh yuôm êa pui êwa čuh kñăm mđĭ klei dưi bi ktưn grăp knhuang bi mklă kơhưm mơ̆ng Petrovietnam hlăm dlông rŏng lăn./.

Pô mblang: H’Zawut Ƀuôn Yă