VOV4.Êđê - Tlam mbrue (25/1), ti ƀuôn prŏng Hồ Chí Minh, Khua bruă kƀĭn ala Vương Đình Huệ lehanăn êpul ngă bruă nao čuă, hơêč hmưi tết kơ mnuih mâo bruă tŭ dưn, gŏ êsei knŭk kna dlăng ba, êpul ba anăp bruă mdrơ̆ng hŏng klei ruă tưp Covid 19, nao čuă, hơêč hmưi Tết lehanăn mđup brei mnơ̆ng tết kơ mnuih ngă bruă, lehanăn phung hđeh hlăk dôk rông ba ti anôk rông ba hđeh ruă duam, hđeh amâo mâo jăk asei mlei.

Khua bruă kƀĭn ala bi êdah klei hơ̆k mơak ƀuh ƀuôn prŏng djă anăn Awa lŏ wĭt msĕ si aguah tlam mrâo, ngă djăp bruă kđi čar, bruă duh mkra ala ƀuôn. Truh kơ ară anei, ênoh mnuih djŏ klei ruă tưp kjham, lehanăn djiê kyua klei covid grăp hrue hrŏ leh êdi, lehanăn ăt adôk boh mơ̆ng klei amâo mâo jăk, ƀiădah ƀuôn prŏng ăt gĭr jih ai tiê duh mĭn, mđing uêñ kơ klei hdĭp jih jang mnuih, grăp boh sang mâo tết sơăi./.

Y-Khem pô mblang