Hlăm hruê knăm, Khua Bruă Kbĭn ala Trần Thanh Mẫn mñă, ƀuôn prŏng Hà Nội kñăm gĭt gai hluê ngă hdră mtrŭn klei kƀĭn kluôm ƀuôn prŏng mrâo êgao, ƀrư̆ ƀrư̆ mgaih msir jih hnơ̆ng 4 boh klei jing êgun kpăk hlăm êlan klông, klei êđăp ênang ƀuôn prŏng, doh, mtah siam, mrâo mrang, čhŏ djan wăl hdĭp mda, êa jua, êwa leh anăn êa lip ti ƀuôn prŏng.

Khua Bruă Kbĭn ala Trần Thanh Mẫn kơ ƀuôn prŏng Hà Nội mkŏ mjing tŭ dưn hĭn klei mtrŭt mjhar Jih jang mnuih ƀuôn sang bi mguôp mkŏ mkra krĭng ƀuôn sang mrâo, wăl krah mrâo mrang, bi lar bruă klam čŏng kriê dlăng mơ̆ng mnuih ƀuôn sang, mkŏ mjing alŭ wăl mngač, mtah, doh, siam, êđăp ênang, bi mguôp kjăp hŏng hdră Jih jang mnuih ƀuôn sang răng mgang klei êđăp ênang lăn čar, gĭr ktưn ƀuôn hgŭm amâo mâo klei amâo mâo jăk, amâo mâo yua, čhĭ mnia hăt điện tử, ma tuĭ, ngă soh hdră bhiăn lăn čar.