VOV4.Êđê - Tlam 26/8, ti Sang bruă kƀĭn ala, Êpul gơ̆ng bruă kreh knhâo mơ̆ng Dhar bruă kƀĭn ala bi hgŭm hŏng Dhar bruă kƀĭn ala bi hgŭm hŏng Knơ̆ng bruă duh mkra mơ̆ng Bruă kƀĭn ala, Phŭn bruă ngăn dŏ wăl hdĭp mda, Anôk bruă ksiêm hriăm čih mkra hdră bhiăn leh anăn Êpul hgŭm phung mgang kđi Việt Nam mkŏ mjing Klei kƀĭn trông “Mguôp klei blŭ hră čih hdră bhiăn lăn ala (lŏ mlih mrâo) hlue si Hdră mtrŭn mơ̆ng Dhar bruă Đảng gưl dlông tal XIII”. Klei bi kƀĭn mâo Khua bruă kƀĭn ala Vương Đình Huệ leh anăn phung K’iăng Khua bruă kƀĭn ala gĭt gai.

Klei bi kƀĭn tal anei dưi mkŏ mjing kñăm iêô mkrum, mđĭ lar bruă klam, klei thâo phung thơ̆ng kơ bruă, phung kreh knhâo, phung kriê dlăng, phung mâo klei thâo hlăm lu mta bruă mguôp klei blŭ, bi leh hră čih Hdră bhiăn lăn ala (lŏ mlih mrâo). Boh tŭ klei kƀĭn trông srăng mâo Anôk bruă mơ̆ng Êpul hgŭm kreh knhâo mơ̆ng Dhar bruă kƀĭn ala bi kƀŏn hưn mdah hŏng dŭm anôk bruă mâo klei dưi čiăng ksiêm hriăm, mguôp kơ Bruă kƀĭn ala ksiêm dlăng, bi trông hră čih Hdră bhiăn (lŏ mlih mrâo) hlăm wưng kơ anăp./.

H’ Zawut pô mblang