Khua bruă kƀĭn ala Vương Đình Huệ bi mni kơ klei tŭ ngă bruă mơ̆ng Êpul gơ̆ng bruă ƀuôn sang ƀuôn prŏng Hà Nội, hlăm anăn, Êpul gơ̆ng bruă ƀuôn sang ƀuôn prŏng leh anăn dŭm gưl đru hgŭm, mâo bruă klam hlăm klei tŭ jing ruah khua bruă kƀĭn ala gưl XV leh anăn phung bi ala Êpul gơ̆ng bruă ƀuôn snag dŭm gưl wưng 2021-2026.  

Êdah êdi jing wưng anei jing bruă Đảng Êpul hgŭm bruă ƀuôn sang, Êpul gơ̆ng bruă ƀuôn sang ƀuôn prŏng kčĕ leh hŏng Anôk dlăng bruă Đảng ƀuôn prŏng Hà Nội mtrŭn leh anăn pŏk ngă hdră bruă mrô 15 kơ “Mđĭ klei dưi, klei tŭ bruă ngă mơ̆ng Êpul hgŭm bruă ƀuôn sang dŭm gưl wưng 2021-2026 mguôp hŏng bruă hlue ngă mkŏ mjing gru hmô bruă sang čư̆ êa ƀuôn prŏng leh anăn mkra mđĭ bruă sang čư̆ êa krĭng ƀuôn sang ti ƀuôn prŏng Hà Nội”. Êpul gơ̆ng bruă ƀuôn sang ƀuôn prŏng gĭr bi hgŭm hŏng dŭm Knơ̆ng bruă kƀĭn ala, Êpul bi ala bruă kƀĭn ala ƀuôn prŏng pŏk ngă tŭ dưn bruă ktuê dlăng mơ̆ng Bruă kƀĭn ala leh anăn  Dhar bruă kƀĭn ala./.