Blŭ hlăm mmông mă bruă, k’iăng Khua knŭk kna Trần Lưu Quang bi mni leh anăn bi myuôm klei gĭr mơ̆ng dŭm tĭng djŏ tuôm kơ bruă bi mguôp mkŏ mjing klei blŭ hrăm, mbĭt anăn mñăm ktang klei bi mguôp bruă duh mkra – mnia mblei – duh bi liê leh anăn klei bi mguôp plah wah êpul êya knơ̆ng bruă dua lăn čar.

Hlăm mmông blŭ hrăm, phung bi ala dua ala čar bi trông kơ boh tŭ dưn, klei hriăm yuôm bhăn kơ bruă kriê dlăng ngăn prăk leh anăn ngăn dŏ ala čar ti China, klei hriăm leh anăn dŭm boh klei mâo hŏng bruă mlih mrâo knơ̆ng bruă knŭk kna ti Việt Nam leh anăn dŭm mta phŭn mkăn mâo klei uêñ mĭn, hrăm mbĭt bi trông čiăng bi lar hĭn bruă klam leh anăn boh tŭ mơ̆ng knơ̆ng bruă knŭk kna hŏng bruă duh mkra grăp lăn čar, klei bi mguôp bruă duh mkra dua lăn čar.