Khua bruă kƀĭn ala Vương Đình Huệ lač, Klei kƀĭn trông phung khua êmua mda asei tar rŏng lăn gưl tal 9 jing bruă hŏng tač êngao lu tĭng prŏng hĭn mơ̆ng Bruă kƀĭn ala Việt Nam mkŏ mjing hlăm thŭn 2023. Klei kƀĭn trông dưi mkŏ mjing tŭ jing, êngao kơ klei hmăng hmưi, đru hưn mdah hŏng hdră kluôm leh anăn jak siam kơ rup lăn čar, anak mnuih Việt Nam, kơ bruă Kƀĭn ala Việt Nam, dhar kreh Việt Nam.

Khua bruă kƀĭn ala ăt lač, hlăm klei kƀĭn trông phung khua êmua mda asei tar rŏng lăn gưl tal 9, Bruă kƀĭn ala Việt Nam ruah leh akŏ kơ klei mlih mrô leh anăn mlih mrâo hŏng klei mbruă. Akŏ anei mkŏ mjing leh klei jak iêo hŏng phung bi ala nao hgŭm. Hluê si Khua bruă kƀĭn ala, mơ̆ng bruă hŏng tač êngao lu tĭng anei, Bruă kƀĭn ala Việt Nam mprăp srăng mkŏ mjing dŭm bruă mkăn.