VOV4.Êđê -  Tlam mmăt mbruê 3/6, Anôk mđung rup bruă kƀĭn ala Việt Nam klă klơ̆ng ba mdah bruă mrâo leh anăn anôk mbah mđung rup mrô 7. Bi ala kơ khua gĭt gai bruă kƀĭn ala, Dhar bruă gĭt gai bruă kƀĭn ala, khua bruă kƀĭn ala mâo klei hơêč hmưi kơ dŭm boh tŭ yuôm bhăn hlăm klei mlih mrâo, mđĭ hnơ̆ng tŭ jăk, mta phŭn leh anăn hdră ngă bruă mơ̆ng anôk mđung rup bruă kƀĭn ala Việt Nam.

Dưi bi djăp ênŭm hnơ̆ng čoh čuăn, klei čiăng mơ̆ng bruă kƀĭn ala, dhar bruă gĭt gai bruă kƀĭn ala, phung bi ala leh anăn mnuih ƀuôn sang. Khua bruă kƀĭn ala Vương Đình Huệ brei thâo, anei jing dŭm boh kdrŭt yuôm bhăn čiăng kơ anôk mđung rup bruă kƀĭn ala dưi bi klă kơ hưm, bruă klam jing kdrông mkŏ bruă kƀĭn ala, phung bi ala bruă kƀĭn ala hŏng ƀing dlăng tar rŏng lăn. Khua bruă kƀĭn ala Vương Đình Huệ mñă klă, mlih bruă mrâo ăt srăng mrâo hlăm klei gĭr ktưn, mrâo hlăm knhuah leh anăn hdră ngă bruă.

Y-Bel pô mblang