Wăl duh mkra Nhơn Hội dưi bi mklă jing wăl duh mkra lu mta bruă, hŏng boh phŭn mđĭ kyar jing hiu čhưn ênguê, ƀuôn prŏng, tuh tia mkra mjing, kdrŭn ksĭ, pui kmlă mkra mjing leh anăn kan hdang; jing anôk đĭ kyar, bi hgŭm kjăp leh anăn kluôm hŏng klei đĭ kyar mbĭt mơ̆ng ƀuôn prŏng Quy Nhơn leh anăn krĭng riêng gah; anôk bruă kreh knhâo leh anăn kdrăp mrâo, mlih mrâo mbruă, anôk ba yua klei thâo anak mnuih yuôm bhăn ti Việt Nam; anôk hiu čhưn ênguê prŏng ti Việt Nam.

Khua bruă kƀĭn ala Vương Đình Huệ hŏng êpul mă bruă, khua gĭt gai čar Bình Định ngă klei bhiăn mphŭn ba yua wăl tuh tia mkra mjing, ƀuôn prŏng leh anăn hdră bruă Becamex VSIP Bình Định (Wưng 1) ti să Canh Vinh, kdriêk Vân Canh, čar Bình Định; dlăng knăm bi siñê bi hgŭm bi liê plah wah Becamex VSIP Bình Định leh anăn dŭm ƀĭng hgŭm hŏng ênih 49 êklăk USD.