Blŭ hrăm ti anôk bi hdơr anei, khua bruă kƀĭn ala mtă kơ sang hră lŏ mlih mrâo klei kiă kriê, mđĭ kyar sang hră, mguôp hŏng klei čŏng pô mâo klei đua klam hŏng yang ƀuôn, mjing sa êpul êya bruă ba akŏ, jing sang hră gưl prŏng thâo mghaih msir hjăn klei kơ ngăn prăk.

Khua bruă kƀĭn ala mtă brei mâo hdră êlan mđĭ kyar pral lehanăn kjăp hĭn, lŏ dơ̆ng dưn yua jih klei jăk siam mơ̆ng sang hră mâo leh, rŭ mdơ̆ng sang hră jing anôk phŭn iêo jak lu mnuih mbruă, mjuăt bi hriăm mnuih mbruă kơ lăn čar. Ƀri wưng anei, bi ala kơ Đảng, knŭk kna khua bruă kƀĭn ala Vương Đình Huệ mđup brei kơ phung nai lehanăn phung hriăm sang hră ksiêm hriăm kơ ngăn prăk Mêđai mă bruă mrô 1 gưl tal 3./.