VOV4.Êđê - Tlam mmăt mbrue (11/8), ti sang Bruă kƀĭn ala, Khua bruă kƀĭn ala Vương Đình Huệ nao ti anôk trông čhai čih mkra klei bhiăn kơ klei bi kƀĭn bruă kƀĭn ala (lŏ mlih mrâo), mâo Anôk ksiêm duah kơ klei čih mkra hdră bhiăn, lehanăn Adŭ bruă kƀĭn ala mkŏ mjing. Blŭ hrăm ti anôk bi kƀĭn, Khua bruă kƀĭn ala Vương Đình Huệ lač, Klei bi kƀĭn yơh jing bruă phŭn mơ̆ng anôk bruă kƀĭn ala.

Hlăm wưng leh êgao, mâo leh lu hdră dưi mkŏ mjing kơ klei bi kƀĭn êjai dôk găn klei ruă tưp Covid 19, lehanăn hŏng klei jing boh sĭt ară anei. Năng lŏ dơ̆ng bi mlih, bi djŏ lehanăn jăk hĭn, pral bi ksiêm duah mkŏ mjing hdră bi kƀĭn, bi trông, mâo lu klei blŭ mơ̆ng lu anôk bruă, êpul bruă kñămbi leh hdră êlan kơ klei mkŏ mjing klei bi kƀĭn bruă kƀĭn ala (lŏ mlih mrâo). Jih jang klei čih mkra mâo Anôk bruă hdră bhiăn ksiêm bi mklă, lehanăn ba mdah hŏng Dhar bruă gĭt gai bruă kƀĭn ala mă leh klei blŭ ti anôk bi kƀĭn tal 11 hlăk mlan 5/2022./.

Y-Khem pô mblang