VOV4.Êđê - Tlam mbrue (27/6), hlue si mmông alŭ wăl, Khua bruă kƀĭn ala Vương Đình Huệ nao ti anôk bi trông gưl dlông “Bruă duh mkra mnia mblei – duh bi liê Việt Nam – Hungary” mâo phŭn bruă čuăk mkă duh bi liê, Anôk bruă bi ala knŭk kna Việt Nam ti Hungary hgŭm mkŏ mjing mâo halăm brô 100 phung duh mkra mơ̆ng Hungary lehanăn Việt Nam nao kƀĭn.

Hlăm ênuk mlih mrâo mơ̆ng Việt Nam, Hungary mâo klei sa ai prŏng hŏng klei kuôl kă bruă mnia mblei êngiê Việt Nam – Êpul hgŭm Ơrôp. Klei bi mnia mblei dua ala čar truh ti ênoh 266 êklăk dolar thŭn 2016, đĭ ti ênoh 1 êklai 3 00 êklăk dolar thŭn 2020. Blŭ hrăm ti anôk bi trông anei, Peter Andras Sztaray khua phŭn bruă hŏng tač êngao lehanăn duh mkra mnia mblei hŏng ala tač êngao Hungary lač, phung duh mkra Hungary čang hmăng hyuă kjăp hĭn klei hgŭm duh mkra mnia mblei hŏng Việt Nam. Klei bi mguôp kjăp plah wah dua ala čar jing leh boh kdrŭt tŭ dưn čiăng mđĭ hĭn klei bi mnia mblei dua nah hlăm wưng kơ anăp./.

Y=Khem pô mblang