Blŭ hrăm ti anôk mphŭn ngă bruă Nguyễn Tấn Tuân- Khua knơ̆ng bruă sang čư̆ êa čar Khánh Hòa lač, bruă mkra êlan dơ̆ng mơ̆ng êlan dơ̆ng mrô 27C truh kơ êlan dơ̆ng čar 656 - mkŏ hŏng čar Lâm Đồng lehanăn čar Ninh Thuận găn hlăm 2 kdriêk Khánh Vĩnh lehanăn kdriêk Khánh Sơn dưi yap jing êlan dơ̆ng lăn čar mâo boh prŏng ti hnơ̆ng mrô 3 krĭng čư̆ čhiăng, hŏng boh taih truh 56,7 km. Ênoh bi liê jih jang jing 1.930 êklai prăk, dưi mkra mơ̆ng thŭn 2023 truh jih thŭn 2027. bruă mkra êlan dơ̆ng anei mơ̆ng êlan mrô 27C truh kơ êlan dơ̆ng čar mrô 656 - mkŏ hŏng čar Lâm Đồng lehanăn čar Ninh Thuận, găn dua kdriêk čư̆ čhiăng Khánh Sơn lehanăn Khánh Vĩnh, đru mjing klei găl kơ dua kdriêk anei mđĭ kyar, lehanăn mjing êlan dŭ ba mnơ̆ng dhơ̆ng phŭt truh kơ čar Lâm Đồng lehanăn čar Ninh Thuận; mđĭ bi kjăp bruă răng mgang klei êđăp ênang, pioh kơ bruă hiu suang lehanăn kiă kriê kjăp klei răng mgang dliê.

Ăt hlăm hrue mbrue 1/3, Khua bruă kƀĭn ala Vương Đình Huệ mbĭt hŏng êpul ngă bruă mâo mđup brei leh 200 boh sang bi đru kơ dŭm gŏ êsei ƀun ti kdriêk Khánh Sơn lehanăn kdriêk Khánh Vĩnh.