Hlăm gưl nao čuă anei, Khua bruă kƀĭn ala Vương Đình Huệ srăng mâo dŭm klei bi tuôm, blŭ hrăm hŏng phung khua gĭt gai gưl dlông mơ̆ng China, nao hlăm dŭm klei kƀĭn hdră êlan, mjĕ mjuk mnuih ƀuôn sang Việt Nam – China, klei blŭ hrăm, drông dŭm êpul grŭp prŏng leh anăn nao čuă anôk bruă bi ala Việt Nam ti China, bi tuôm hŏng êpul êya mnuih Việt Nam ti China…

Khua bruă kƀĭn ala Vương Đình Huệ, bruă kƀĭn ala Việt Nam leh anăn Nhân Đại ala čar China srăng bi klă mrâo klei kuôl kă hrô kơ klei kuôl kă bi klă ti thŭn 2015 hŏng dŭm mta phŭn mrâo. Mbĭt hŏng dŭm klei kuôl kă mrâo plah wah Bruă kƀĭn ala Việt Nam leh anăn Bruă kƀĭn ala China, Adŭ bruă Kƀĭn ala Việt Nam leh anăn Dhar bruă kƀĭn ala China gưl tal êlâo bi klă klei kuôl kă bi mguôp knăm hluê ngă dŭm klei bi mguôp hluê ngă dŭm mta phŭn bi mguôp plah wah anôk bruă hdră bhiăn dua lăn čar.