Phung bi ala akâo hŏng Khua bruă kƀĭn ala Trần Thanh Mẫn leh anăn Êpul bi ala bruă kƀĭn ala čar Hậu Giang lu bruă djŏ tuôm kơ hdră êlan hră ênua mdrao mgŭn, Hră ênua ala ƀuôn; hdră êlan lăn ala, tla hnô mkŏ mjing anôk dôk mrâo, hdruôm hră mtô bi hriăm, klei dưi dưn kơ phung nai mtô hđeh, Bruă gang mkhư̆ klei ƀơ̆ng ngă…Khua bruă kƀĭn ala Trần Thanh Mẫn hâo hưn leh kơ boh klei mđĭ kyar bruă duh mkra - ala ƀuôn ala čar drei; klei găl leh anăn dleh dlan hlăm boh klei msĕ mơ̆ng ala čar, tar rŏng lăn.

Khua bruă kƀĭn ala Trần Thanh Mẫn mñă klă, ti anăp klei anăn, Bruă kƀĭn ala ngă leh leh anăn dôk mlih mrâo klei mĭn, hdră mkŏ mjing hdră bhiăn hlue si hdră thâo ƀuh klei kƀah, dleh dlan čiăng mkra mlih Hdră mtrŭn. Kyua anăn, bruă mkŏ mjing hdră bhiăn brei mphŭn mơ̆ng boh sĭt, ngă êjai mă klei thâo êjai, mă mnuih ƀuôn sang leh anăn anôk bruă duh mkra jing phŭn, hmao ruh mgaih klei dleh dlan.