Khua bruă kƀĭn ala Trần Thanh Mẫn mơak lŏ bi tuôm hŏng  Khua bruă kƀĭn ala nah gŭ Uzbekistan Nuriddin Ismoilov ti Hà Nội; brei thâo ăt krơ̆ng kjăp klei jăk siam kơ gưl nao čhưn ti Uzbekistan leh anăn nao hlăm Klei bi   kƀĭn Êpul gơ̆ng tal 150 Êpul hgŭm Bruă kƀĭn ala dlông rŏng lăn (IPU-150) hlăm mlan 4 mrâo êgao, boh nik klei bi trông klă sĭt, tŭ dưn hŏng Khua bruă kƀĭn ala.

Ñu bi mni kơ bruă Nuriddin Ismoilov ngă khua êpul bi ala Bruă kƀĭn ala nah gŭ Uzbekistan nao hlăm Knăm mphŭn pŏk siñê Klei kuôl kă Êpul hgŭm lu ala čar kơ klei bi kdơ̆ng hŏng phung ngă soh hlăm Internet mkŏ mjing ti Việt Nam, bi êdah klei ƀuăn rơ̆ng ktang mơ̆ng Uzbekistan hŏng êpul êya lu ala čar bi kdơ̆ng hŏng phung ngă soh mrâo leh anăn huĭ hyưt anei.