Hlăm mmông tŭ drông, khua Bruă Kƀĭn Ala mñă ktang, klei mjĕ giăm, bi mguôp plah wah dua ala čar hlăm dŭm thŭn êgao amâo mâo mdei đĭ kyar. Việt Nam dlăng yuôm leh anăn hmăng mhưi klei bi hgŭm hdră êlan Việt Nam – Indonesia đĭ tĭ hnơ̆ng mrâo.

Kơ klei bi mguôp bruă kƀĭn ala dua ala čar, khua Bruă Kƀĭn Ala mñă hlăm wưng  kơ anăp dua tĭng mđĭ hĭn klei mjĕ mjuk, kah mbha klei hriăm plah wah dua anôk bruă hdră bhiăn dua ala čar, boh nik jing jing plah wah dŭm dhar bruă thơ̆ng kơ bruă mơ̆ng Bruă Kƀĭn Ala, êpul khua êmua bi hgŭm, phung khua êmua mniê leh anăn phung khua êmau mda asei. K’iăng khua Bruă Kƀĭn Ala Indonesia mñă klă, Bruă Kƀĭn Ala Indonesia hmăng hmưi mkŏ mjing klei mjĕ giăm mđing truh kơ êdei anăp, klah mbha klei hriăm bruă kƀĭn ala dua ala čar leh anăn klei mjĕ giăm mnuih ƀuôn sang dua ala čar.